Isang 20-anyos na lalaki ang pinagbabaril hanggang sa mapatay ng hindi pa nakikilalang mga suspect sa Quezon City.
Dead-on-the-spot ang biktimang si Daniel Soriano, ng #159 Sanchez St. Brgy. Commonwealth, Quezon City habang mabilis namang nakatakas ang suspect.
Sa ulat ng Quezon City Police District-Criminal Investigation Unit, naganap ang insidente dakong alas-6 kamakalawa ng gabi sa Tabigo St. Quezon City.
Papauwi na ang biktima galing sa pagsamba nang bigla itong harangin ng suspect at barilin nang malapitan ng dalawang ulit at saka umalis.
Subalit makalipas ang ilang minuto ay muling bumalik ang suspect at saka apat na beses pang pinaputukan ang biktima upang masigurong patay na ito.
Inaalam pa ng pulisya ang mga posibleng kaaway ng biktima at ang motibo ng pamamaslang. (Doris Franche)
https://www.philstar.com/metro/2007/01/20/380923/binata-tinadtad-ng-bala
No comments:
Post a Comment