BALABAC, Palawan - Namataan ang tinatayang nasa higit isang dipa na buwaya sa isla ng Bancalaan, Balabac, Palawan, pasado alas kuwatro ng hapon, Abril 24.
Ayon sa post ni Willie Olorga sa Facebook, nagulat at natakot umano siya nang makita ang buwaya dahil ito ang unang beses na mayroong napadpad na buwaya sa kanilang lugar.
"Baka naligaw lang po 'yun gawa ng masamang panahon," ayon kay Olorga.
Nagpa-ikot-ikot pa umano ang buwaya sa dagat hanggang sa magdilim na at nawala lamang umano ito kinabukasan na ng umaga.
Madalas din umanong naliligo sa naturang dagat ang mga residente lalo na ang mga bata kaya't pinaalalahanan na lamang muna ito ng mga nakatatanda.
"Dobleng ingat po at balaan ang mga naliligo lalo na po 'yung mga bata at hangga't maaari 'wag saktan [ang makikitang buwaya].” ayon kay Olorga.
- Ulat ni Rex Ruta, ABS-CBN News
https://news.abs-cbn.com/news/04/26/21/buwaya-nakita-malapit-sa-beach-sa-balabac-palawan
No comments:
Post a Comment